BAGUIO CITY – Dumanon iti nasurok 3,500 a benipisaryo ti Social Amelioration Program (SAP) ditoy siyudad ti Baguio saan pay a naka-ala iti nasao a tulong pinansyal gapu paylaeng iti unsuccessful transfer a napasamak kadagiti naituding a financial Provider.
Iti panakiyuman ti Bombo Radyo Baguio kenni DSWD-Cordillera regional director Leo Quintilla, kinunana a posible pay a manayunan ti nasao a bilang gaputa adu kadagiti benipisaryo ti SAP ti saan a nakaawat iti nasao a tulong pinansyal gapu kadagiti nagduduma a rason.
Maibasar iti report kenkuana dagiti service providers kas iti PayMaya ken GCash, kaaduan kadagiti benipisaryo ket nagsukat iti mobile number ken awanan iti cellphone.
Kinunana a daytoy ti rason nga awan ti naawat dagitoy a mensahe manipud kadagiti service providers bayat dagiti dadduma ket biddut ti spelling ti naganda a saan a maitunos iti listaan.
Nupay kasta, kinuna ni Quintilla a maiyawat laengen kadagitoy ti nasao nga ayuda babaen iti direct pay-out.
Sigun kenkuana, makikoordinarda kadagiti nagduduma nga LGUs para iti schedule ti direct pay-out kadagiti nagduduma a barangay iti Cordillera a saan pay a nakaawat iti maikadua a dupag ti SAP.
