--Ads--
Nalayus ti nasurok 429 a lugar kadagiti uppat a rehion gapu iti agtultuloy a panagtudtudo nga ituntunda ti Habagat iti pagilian.
Sigun iti Office of the Civil Defense (OCD), nalayus ti sumagmamano a lugar sadiay Ilocos Region, Central Luzon, Calabarzon, ken National Capital Region (NCR).
Manarimaan metten ti clearing operations kadagiti naapektaran a kalsada.
Sigun pay iti ahensiya, dumanon iti 3,158 a babbalay ti nadadael; agarup 100 a road section ken 13 a rangtay ti saan a madalyasat.
Maysa kadagiti kangrunaan a prikut ti ahensiya ti pannakarba ti dua a rangay sadiay Tarlac City nga agkasapulan iti alternatibo a ruta.
