BAGUIO CITY – Dumanon iti 62.57 gramo ti shabu ti narekober iti natiliw a dua a drug suspect iti buy bust operation nga impatungpal ti nagtipon a pwersa ti pulisya sadiay Cruz La Trinidad, Benguet ken ditoy siudad ti Baguio itay kanikadua.
Nabigbig ti umuna a suspek a ni Hadjiomar Mojeb Muna, 26-anyos, naasawaan, businessman, tubo ti Marawi city, ken agnanaed iti nasao a lugar.
Narekober iti ikot ti suspek ti sangapulo ket siyam a paekete a naglaon iti maatap a shabu, 500 pesos a boodle money, maysa a digital weighing scale ken maysa a cellphone.
Nakemmeg met laeng iti nasao nga operasyon ni Winston Semion Tibangay, 35-anyos, baro, laborer, tubo ti Bauko, Mt.Prov ken residente ti Quirino hill, Baguio City.
Narekober iti nasao a suspek ti maysa a pakete a naglaon iti maatap a shabu.
Sumangsango da Muna ken Tibangay iti kaso a panaglabsing iti Comprehensive Dangerous Drugs Act of 2002.
