--Ads--
Nakarehistro ti nasurok 68,000 a persons deprived of liberty (PDLs) tapno agbotos para iti 2025 national and local elections (NLE), sigun iti Commission on Elections (Comelec).
Kinuna ni Comelec Commissioner Aimee Ferolino a pakabuklan a 68,448 a PDL ti agbutos para iti eleksion inton sumaruno a tawen.
Manipod iti nasao a bilang, 993 ti maikuyog iti ruar tapno agbotos iti bukodda a presinto.
Kabayatanna, dinakamat ni Comelec chairperson George Erwin Garcia a ti Korte Suprema a mapalubosan dagiti PDL nga agbotos basta awan ti final judgment of conviction dagiti krimen nga inaramidda.
