Dumanon iti 7,000 a kandidato para iti Eleksyon 2025 ti nakarehistro iti social media account, sigun iti Commission on Elections.
Maibasar iti datos ti Comelec (as of December 9, 2024), dumanon iti pakabuklan a 5,195 a kandidato para iti 2025 NLE ti nangirehistro iti “online” ken 2,709 ti nangisubmitir iti hard copies dagiti kasapulan a dokumento.
Inkeddeng ti Comelec ti deadline ti pannakairehistro dagiti online campaign platforms inton Biernes, Disiembre 13, 2024 ken nailawlawag a saan a mailaylayon ti deadline ng immuna a kinunan ti nasao nga ahensia.
Maitunos iti Comelec Resolution No. 11064, amin a kandidato, partido, ken dagiti campaign team ket nabilin a mangirehistro amin kadagiti opisial a social media account ken panid, website, podcast, blog, vlog, ken dadduma pay nga online ken internet-based campaign platform sakbay ti Comelec education and information division iti uneg ti 30 nga aldaw ti kalendario kalpasan ti pannakaipila ti certificates of candidacy dagitoy.
Adda ti election task force a mangsukimat iti application ken maiyendorso dagitoy para iti panangaprobar wenno “denial” iti Commission en banc.
Dagiti maaprobaran ti registration ket maipablaak iti official website and social media accounts ti Comelec.
