BAGUIO CITY – Pakabuklan a 7,109 nga indibidual ti naipasidong iti RR-PCR test iti lima nga aldaw a COVID-19 Aggressive Community Testing a naisayangkat sadiay Apayao kas maibasar iti datus idi kalman, August 31, 2021.
Nagresulta ti mass testing iti 865 a nagpositibo iti COVID-19 a katukad ti 22.69% positivity rate ken nasurok 2,900 a negatibo a resulta.
Nupay kasta, adda ti 25 a nangipakita iti inconclusive results ken nasurok 3,270 a swab specimen a nakapila paylaeng para iti lab test manipud kadagiti community testing a naisayangkat iti nagduduma a testing sites sadiay Apayao manipud August 24-28, 2021.
Maipalagip a puntirya ti nasao a mass testing sadiay Apayao a tulongan ti probinsia iti panakalapped ti napartak a panagwaras ti COVID-19 sadiay.
