BAGUIO CITY – Nasurok siyam a gasut a pulis ti maideploy iti nagduduma a lugar iti Baguio City para iti umadanin nga All Souls’ Day ken All Saints’ Day.
Iti pannakiuman ti Bombo Radyo kenni Julius Santos, Operations Chief ti City Disaster Risk Reduction and Management Office (CDRRMO) – Baguio, kadwa dagiti pulis dagiti kameng ti Bureau of Fire Protection, medical rescue team, ken volunteer groups.
Sigun kenni Santos, kangrunaan a mabantayan dagiti sementeryo, terminal ti lugan, parke, ken pagpasyaran iti Baguio City.
Malaksid iti daytoy, adda metlaeng ti maideploy a mangwanawan iti gunay ti trapiko.
Kabayatanna, dinakamat ni Santos nga agtaltalinaed a nakarikep ti Kennon Road para iti trapiko.
Gapu iti daytoy, nabalakadan dagiti agbiahe a magnada iti Marcos Highway wenno Naguilian Road
Iti sabali a bangir, awan ti naipaulog a pakaammo nu mailaylayon ti panagdalaos kadagiti sementeryo gapu ta agleppas laeng daytoy inton bigat, Oktobre 31.
