--Ads--
BAGUIO CITY – Nasurok 9,000 a puon ti kayo ti naimula iti nagduduma a lugar iti Cordillera kagiddan ti selebrasyon ti Philippine Arbor Day itay nabiit.
Ti tree planting activity ket indauloan ti Department of Environment and Natural Resources-Cordillera kadagiti nabigbig a watersheds ken protected areas.
Nakipaset ditoy dagiti nagduduma nga ahensia ti gobyerno ken pribado nga organisasyon.
Maipalagip a nakaimula metlaeng ti DENR-Cordillera iti nasurok 9,000 a puon ti kayo kas paset ti selebrasyon ti Environment Month ita a bulan.
