BAGUIO CITY – Nasurok itan iti 118,000 ti bilang dagiti turista a napasangbay ti probinsia ti Benguet manipod Enero agingga Setyembre ti agdama a tawen.
Kagiddan daytoy iti in-inot a pannakailukat ti turismo kadagiti nagduduma a munisipyo ti probinsia iti baet ti pandemya.
Iti interview ti Bombo Radyo Baguio, inaklon ni Benguet Tourism Officer Eliazar Carias nga agduduma ti pagalagadalan iti pannakailukat ti turismo kadagiti munisipyo ti Benguet.
Inkalinteganna a mismo a dagiti munisipyo ti nangisubmitir ken nangbukel iti pagalagdanda gaputa dagitoy ti makaammo no nakasagadan a mangiluka iti turismo iti masakopanda.
Iti agdama, pito laeng a munisipyo manipud iti 13 nga ili ti Benguet ti nangrugin nga aglukat ti turismo dagitoy.
Pakairamanan ditoy ti La Trinidad ken Tuba a nakalukat para kadagiti lokal a turista partiukular dagiti agtaud iti Baguio City, dadduma pay a paset ti Benguet ken dadduma nga rehiyoniti kondision a maikalukagum ti negative RT-PCR result wenno vaccination card.
Nailukat met ti turismo ti Mankayan, Sablan ken Itogon para kadagiti lokal a bisita bayat a nailukat laeng para kadagiti residente dagiti destinasion ti Buguias ken iti Bokod.
Kabayatana, nasurok met itan iti 90% dagiti tourism-related establishments ti probinsia ti Benguet ti nakaawaten iti safety seal certification manipod iti DOT ken DTI.
Kinuna ni Carias a kasapulan daytoy kas pammaneknek a nakasaganan dagiti establishimento wenno tourism sites a mangipaay iti serbisyo .
Inyunay-unayna a nasken nga addaan iti safety seal dagiti tourism sites related establishments ken tourism sites a dimmalan iti inspeksion sakbay a mapalubosan ti operasyon dagitoy.
Dinakamatna a nasken nga ikagumaan dagiti operators dagiti ngta maseknan establishimento ti agala iti safety seal iti panggepda a maituloy ti operasyonda kalpasan ti nasurok dua a tawen nga awan ti napastrakenda gapu iti pandemya.
Imbinglayna pay ni Carias a mangipatpatungpalda iti panagsanay kadagiti tourism workers malaksid pay iti monitoring nga araramidenda kadagiti tourism facilities iti panagtulnogda kadagiti protocols.
Nasukimat pay dagiti kalkalsada paturong kadagiti tourist destinations a nakalukat tapnu natalged a pagturongan dagiti turista.
Impannnakelna pay a kalpasan ti temporaryo a pannakairikep dagiti tourist spots ket naan-anay a na-rejuvenate wenno nabiag ken napasayaat pay dagitoy ken nakasaganan nga umawat iti turista.
