Nakaipaay ti United State Central Command (CENTCOM) ita nga aldaw iti nasurok lima gasut innem a pulo ket siam a “metrics tons” a humanitarian assistance wenno tulong iti “pier” idiay Gaza.
Nupay kasta, saan nga amin a tulong ket nakadanon kadagiti bodega.
Nangrugi a naitulod dagiti tulong idi Biernes iti “US-built pier “.
Sigun iti United Nation, sangapulo a “truckloads” ti tulong a makan — nga inbiahe manipud iti pier site dagiti kontraktor ti United Nation — ti naawat idi Biernes iti bodega ti World Food Program idiay Deir El Balah sadiay Gaza.
Ngem idi Sabado, lima laeng a “truckloads” ti nakadanon iti bodega kalpasan a sangpulo ket maysa kadagitoy ti saan a nakadanon gapu kadagiti Palestinian bayat ti panagdaliasat dagitoy.
Saan pay a nakaawat ti United Nation ti tulong manipod pier iti agdama itay kanikadua ken idi kalman.
