BAGUIO CITY – Nakemmeg ti maysa a babai iti buy-bust operation nga insayangkat dagiti otoridad sadiay City Limit, Bubon, Virac, Itogon, Benguet idi kalman.
Nabigbig daytoy a ni Hazel Mae Guiles Dogcio, 35-anyos, residente ti Betag, La Trinidad, Benguet no sadino, nakalista daytoy kas maysa a high value individual.
Nakumpiskar kenkuana ti lima a pakete ti maatap a shabu nga agdagsen ti 18.50 grams nga aggatad ti nasurok P120-K.
Nakumpiskar pay iti nasao nga indibidual ti maysa a cellphone, weighing scale ken ti naarmat a buy-bust money.
Sumangsango ita ni Dogcio iti kaso a panaglabsing iti RA 9165 wenno iti Comprehensive Dangerous Drugs Act of 2002.