--Ads--
BAGUIO CITY–Dumanon iti nasurok P15.8 Million pesos ti nailista nga inisial a gatad dagiti nadadael iti sektor ti agrikultura partikular kadagiti nagduduma a nateng iti rehion Cordillera gapu iti Habagat.
Maibasar iti datus ti ti Department of Agriculture-Cordillera, dumanon iti P4.9 Million ti gatad dagiti nadadael a nateng sadiay Bauko ken Besao Mt. Province.
Nasurok met iti P7-Million ti gatad dagiti nadadael a pagay sadiay Villaviciosa ken La Paz, Abra ken nasurok iti P1- Million ti nadadael a mula a mais iti nagduduma nga ili iti sadiay met laeng Abra.
Sigun iti ahensia, posible a manayunan pay ti nasao a gatad iti kanito a mangisumitir iti report ti dadduma a probinsia ken iti dadduma pay a sektor ti agrikultura.
