BAGUIO CITY–Nadadael ti P17.4-M nasurok P17.4-M a gatad ti pinuon ti marijuana iti innem a plantasyon iti probinsia ti Benguet ken Kalinga manipod idi Enero 12 agingga 20 ita nga tawen.
Maibasar iti report, nadiskobre ti P6.75-M wenno 21, 750 a pidaso ti marijuana ken 20 kilos ti napagango a marijuana sadiay Kibungan, Benguet bayat nga P8.4-M wenno 42,000 a pidaso ti marijuana ti dinadael dagiti otoridad iti nagsina nga operasyon sadiay Bakun, Benguet.
Kabayatanna, dumanon iti P2.32-M wenno 11,000 a pinuon ti marijuana ti nadiskobre sadiay Tinglayan, Kalinga.
Nasuroken iti P58.20-M wenno 25 a marijuana eradications a buklen ti 223,790 a pidaso ti pinuon ti marijuana, 117.50 a kilos ti napango a marijuana ken 125 a pidaso ti marijuana seedlings ti dinadael ken nadiskobre dagiti otoridad iti nagduduma nga operasion idi Enero ita nga tawen.
