BAGUIO CITY – Dinadael dagiti otoridad ti nasurok P2.9-M a gatad dagiti marijuana sadiay Loccong, Tinglayan, Kalinga.
Resulta daytoy ti 3-day marijuana operation dagiti units ti Police Regional Office – Cordillera ken ti Philippine Drug Enforcement Agency – Cordillera.
Pinarut dagiti otoridad ti 14,600 a fully-grown marijuana plants munipud iti tallo a plantation sites nga addaan kalawa a 1,950 square meters.
Inuramda metlaeng iti nasao a disso dagiti naparut a maipawil a mula.
Sigun iti Cordillera PNP, ti operasyon ket paset ti OPLAN BUSCONG RIDGE nga addaan panggep a dalusan dagiti amin a drug-affected barangays sadiay Tinglayan, Kalinga.
Maipalagip nga idi napalabas a bulan ket dumanon iti P5.7-M a gatad ti marijuana ti dinadael dagiti otoridad sadiay Butbut Proper, Tinglayan, Kalinga a resulta ti implementasyon ti Oplan Green Pearl Bravo.
