BAGUIO CITY – Inaprobaranen ti lokal a konseho ti siudad ti Baguio ti Executive Budget dumanon iti nasurok P2 billion.
Nupay kasta, naaprobaran daytoy nga addaan iti kondisyon.
Karaman kadagiti nasao a kondisyon ti panakaramant ti P5 million para iti non-office projects nga immunan a nailatang para iti Barangay Elections.
Kiniddaw met dagiti konsehal a ti P2.5 million ket maaramat a pangpondo kadagiti proyekto para iti crafts and arts, ti P2.3 million para medical assistance partikular iti Baguio General Hospital and Medical Center ken ti P200,000 ket agserbi nga honorarium dagiti kanayonan a personnel ti Prosecutor’s Office.
Sigun kenni City Budget Officer Atty. Leticia Clemente, nagpagnumuanda iti executive office ken iti UNESCO Creative Network a maaramat iti crafts and arts sector ti P5 million iti nasao nga Executive Budget nangruna ta maysa ti siudad kadagiti Creative Cities.
