Nasurok P2-M a gatad ti marijuana, narekober dagiti otoridad sadiay Mt. Province

BAGUIO CITY–Narekober dagiti pulis ti 19 kilos a marijuana sadiay Bontoc,Mountain Province.

Sigun kenni Police Chief Inspector Bernard Wong, Public Information Officer ti Mountain Province PPO, natiliwan dagiti kameng ti Bontoc Municipal Police Station ti dua a lalaki iti maysa a waig sadiay a nakaimet iti bag a naglaon iti marijuana.

Kinunana a naglaon dagiti bag iti 19 kilos a marijuana nga agattad iti nasurok P2-Million pesos.

Maatap a nagtaud dagiti kontrabando iti dadduma a probinsya ken inaramat da alaeng a transaksyon iti Bontoc, Mountain Province.

Nupay kasta, saan paylaeng a nabigbig dagiti dua a lalaki gaputa naikagumaanda a naglibas.