--Ads--
BAGUIO CITY–Pinarut ken inuram dagiti anti-narcotic operatives ti nasurok P3.8-M a gatad ti pinuon ti marijuana sadiay Tinglayan, Kalinga.
Nangrugi ti three-day marijuana eradication dagiti otoridad idi Setyembre 25 ken nagleppas idi kalman, Setyembre 27.
Ditoy a nadiskubre ti tallo a plantasion dagiti iligal a mula iti nagduduma a disso sadiay Bugnay, Tinglayan, Kalinga.
Naipatungpal ti anti-illegal drug operation babaen iti nagtipon a pwersa ti Philippine Drug Enforcement Agency-Cordillera, ti pulisya ken iti panakitinnulong ti lokal a gobierno ti nasao a lugar.
Nupay kasta, awan ti nadanunan dagiti otoridad nga indibidual iti nasao a plantasion kabayatan ti operasion dagitoy.
