BAGUIO CITY–Dumanon iti nasurok P5 million a gatad ti marijuana ti pinarut ken dinadael ti nagtipon a pwersa dagiti otoridad iti nagduduma a plantation sites kadagiti kabambantayan ti Kalinga idi kalman.
Sigun iti PDEA – Cordillera, nagudua ti grupo dagiti otoridad ken nagturong dagitoy kadagiti nagduduma a disso sadiay Barangay Bugnay ken Barangay Buscalan.
Nagresulta ti kampanya sadiay Barangay Bugnay iti panakadiskobre ti uppat a marijuana plantation sites a nakadadaelan ti 1,550 a fully-grown marijuana plants ken 1,800 marijuana seedlings.
Nangitunda met ti kampanya sadiay Barangay Buscalan iti panakadiskobre ti pito a plantation sites ken nakadadaelan ti agarup nasurok 23,500 a full-grown marijuana plants.
Sigun iti PDEA-Cordillera, dumanon iti P5,082,000 ti pakabuklan a gatad dagiti nasao a marijuana bayt nga awan ti nakemmeg dagitoy a cultivator kabayatan ti operasyon.
Naamuan a nakaawat ti Barangay Anti-Drug Abuse Council ti Barangay Bugnay iti surat manipud iti Oversight Committee ti Barangay Drug Clearing Operation seknan iti panagsubli manen ti aktibidad ti iligal a droga sadiay, partikular ti kaadda dagiti marijuana plantation sites iti masakupan dagitoy.
