--Ads--
BAGUIO CITY – Natiliw ti maysa a drug personality iti buy-bust operation sadiay Purok 15, Irisan, Baguio City idi agsapa.
Nabigbig daytoy a ni Edmundo Garceco Gecarani Jr., 42-anyos, gwardiya ken residente ti Bayabas, San Isidro, Taytay, Rizal.
Nakalista ni Gecarani Jr. kas maysa a High Value Individual ken Regional Top Ten Illegal Drug Personality iti Cordillera.
Nakumpiskar kenkuana ti maysa a pakete ti maatap a shabu nga agdagsen ti mapattapatta a 100 grams nga aggatad ti P680-K.
Sumangsangon daytoy iti kaso a panaglabsing iti RA 9165 wenno Comprehensive Dangerous Drugs Act of 2002.
