--Ads--
BAGUIO CITY – Nakaur-or dagiti walo nga school divisions iti rehiyon Cordillera ti nasurok P985-M a pondo a maaramat iti pannaka-imprinta ti self learning modules dagiti estudyante iti umuna a kuarter.
Sigun kenni Dep-Ed Regional Director Mae Eclar, daytoy ket manipud iti donasyon dagiti provincial ken municipal government units, school maintainance ken dadduma pay nga operating expences, private donors, IPED funds, ken iti Dep-Ed Central Office.
Kinunana a dumanon iti nasurok P253-M ti nagtaud iti DepEd Central Office bayat a dumanon met iti nasurok P685-M ti impaay dagiti nagduduma a lokal a gobierno.
Innayona a malaksid kadagiti pondo ket nangipaay pay dagiti lokal a gobierno iti supplies para iti printing ken duplications dagiti modules.
