BAGUIO CITY – Narekober ti Regional Highway Patrol Unit – Cordillera ti natakaw a Toyota Innova idiay Puguis, La Trinidad, Benguet.
Iti press release ti Highway Patrol Group, pasado alas nuebe ti rabii idi Enero 23 ket nangipatungpal iti operasyon ti Intelligence Section personnel ti Regional Highway Patrol Unit Cordillera babaen iti panangidaulo ni PBGEN Eleazar P. Matta, Officer-In-Charge ti Highway Patrol Group idiay Puguis, La Trinidad, Benguet.
Nangitunda daytoy iti pannakarekober ti motor vehicle a kukua ti agnagan iti Mr. Czar.
Ti nasao a lugan ket natakaw bayat a nakaparada idiay Francisco Homes, San Jose Del Monte, Bulacan.
Babaen met iti intelligence-driven operation, naduktalan a ti akin iggem iti lugan ket adda idiay Puguis, La Trinidad, Benguet.
Iti agdama ket adda iti kustodiya ti Investigation Section ti Regional Highway Patrol Unit Cordillera ti narekoberda a lugan para iti umno a dokumentasyon ken legal proceedings.
This is a developing story….
