Binabalaw ni sigud a chief presidential legal counsel a ni Salvador Panelo idi kalman dagiti natakuatan ti panagimbestigar ti House Quad Committee (QuadComm) iti war on drugs ti naglabas nga administrasion.
Sigun iti sigud a nagserbi kas pannakangiwat ti Palasio bayat ti administrasion ni Duterte, dagiti pammabasol a naaramid ket napilit a testimonia wenno naibatay iti “hearsay.”
Patien ni Panelo a ti naisayangkat a panagdinggeg ti Quad Committee ket maipapan iti politaka nu sadinno, dinakamatna a nabukel dagitoy tapno mangdadael kenni sigud a President Rodrigo Duterte ken ti anakna a ni Vice President Sara Duterte tapno maikkat iti 2028 presidential race.
Naibaga daytoy ni Panelo kalpasan a kinuna ni QuadComm vice chairperson ken Antipolo Representative Romeo Acop a ni sigud a President Duterte ket sentro iti criminal syndicate nga adda pakainaiganna iti illegal drug trade ken dadduma pay a krimen.
Iti agdama, awan pay ti komento ti Quad Committee ken manipod kenni Congressman Acop seknan iti nasao a banag.
