--Ads--
Imbinglay ti maysa nga OFW ti agdama a kasasaad dagitoy idiay Iran kalpasan ti panangipatayab ti nasao a pagilian ti drone ken missile idiay Israel itay nabiit.
Sigun kenni Bombo International News Correspondent JN idiay Teran, Iran, natalged ti kasasaad dagitoy iti agdama ken awan metten ti mangmangngegda a panagbomba nu idilig kadagiti naglabas nga aldaw.
Mangnamnama daytoy a sapay koma ta saan a bumara pay ti giyera iti nagbaetan ti Iran ken Israel.
Maipalagip nga idi Sabado ket nangipatayab ti Iran ti explosive drones ken missiles idiay Israel kas panangibalesda iti panangbomba ti Israeli warplanes iti Iranian Embassy idiay Syria idi Abril 1 ti agdama a tawen a nakatayan ti pito a military advisers ken tallo a senior commanders.
