Indagadag ti foreign ministry ti China iti Pilipinas idi kalman nga agsubli iti natalna a panagdur-as.
Kasaruno ti desision ti Pilipinas a mangikabil iti U.S. medium-range missile system kadagiti “military exercises.”
Sigun iti foreign ministry ti China, mabalin a peggad ti nasao a desision iti rehion.
Itay laeng nabiit, pangpanggepen ti Armed Forces of the Philippines (AFP) nga alaen ti U.S. Typhon system a maaramat para iti panagsalaknib ti baybay ti Pilipinas, ken naikabil iti maysa a lugar a naaramat iti joint exercises iti nasapsapa a bulan iti agdama a tawen.
Idi Martes, kinuna ni Philippine Defense Secretary Gilberto Teodoro a ti pannakaideploy ti U.S. Typhon system ket lehitimo ken ligal.
Maipalagip a dimmakkel ti panagriri ti China ken Pilipinas kadagiti kallabes a tawen gapu iti panangikalintegan ti China a kukuada ti amin a paset ti South China Sea.
Iti agdama, awan pay ti komento ti Malakanyang, Department of Foreign Affairs, Department of National Defense, and the Armed Forces of the Philippines (AFP) seknan iti kinuna ti Chinese foreign ministry.
