--Ads--
Baguio City – Nainagananen dagiti tallo pay a miyembro iti five-man committee a mangsukimat kadagiti naipasa a courtesy resignation manipud kadagiti level 3 officials iti Philippine National Police.
Nabigbig dagitoy kas da Philippine National Police Chief General Rodolfo Azurin Jr., sigud a Defense Chief Atty. Gilbert Teodoro, ken ni Undersecretary Isagani Neres manipud iti Office of the Presidential Adviser on Military Affairs.
Nu pay kasta, saan pay kayat a mainaganan ti maikalima a miyembro iti 5-man committee a pakairamanan metlaeng ni Baguio City Mayor Benjamin Magalong.
Inlawlawag ni Secretary of Interior and Local Government Benhur Abalos nga immunan a narepaso ti courtesy resignation ni Azurin ngem saan daytoy a naakseptar.
