Nagballaaag ni National Police Commission (Napolcom) Commissioner Rafael Vicente Calinisan kadagiti amin a criminology interns a manglablabsing iti linteg trapiko pakairamanan ti panagaramat iti motorsiklo nga awan ti aramatda a helmet.
Sigun kenni Calinisan, posible a makaapektar daytoy iti aplikasyonda tapno agbalin a maysa a pulis.
Iti maysa a pablaak, ginuyugoy ni Calinisan ti publiko nga alaanda ti ladawan dagiti criminolgy interns a maimatanganda a manglablabsing iti linteg trapiko no sadino impeksan a padasenda a bigbigen ti kinasiasino dagiti matiliwan ken iwaksida iti proseso dagiti aplikasyonda para iti panagbalin a maysa a pulis.
Malaksid iti dayta, saanda metlaeng a maentertain kadagiti anyaman a NAPOLCOM examinations.
Ti nasao a ballaag ket kasaruno ti sumagmamano nga online complaints seknan iti maatap a pananglabsing ti sumagmamano a criminology students iti linteg trapiko.
