Napagsaritaan da National Security Adviser Eduardo Año ken ti counterpart-na manipod Estados Unidos a ni Mike Waltz ti maipapan ti panagrang-ay iti aliansa ti Pilipinas ken Washington.
Iti maysa nga statement a nairuar idi Sabado, kinuna ti National Security Council a da Año ken Waltz ket nagsinnukat ti kapanunutan iti kasasaad ti seguridad, partikular iti South China Sea/West Philippine Sea, ken dagiti masakbayan a bilateral nga aktibidad tapno ad-adda a mapapartak ti panagrang-ay iti aliansa.
Pinagyamanan met ni Año ni Waltz gapu iti panangipasiguradona ti “commitment” ti Estados Unidos iti Pilipinas.
Ti Estados Unidos ket nabayagen a kaalyado ti Pilipinas nangruna iti pannakataginayon ti kinatalged iti rehion ti Indo-Pacific.
Karaman ti Estados Unidos kadagiti pagilian a nagsao kontra iti saan a nasayaat nga addang nga isaysayangkat ti China iti South China Sea.