Pinaglibakan ni National Security Adviser Eduardo Año ti alegasyon a nakaawat iti maysa a paper bag, kalpasan ti maatap a panagtataripnong dagitoy iti maysa a townhouse.
Sigun kenni Año, awan ti kinapudno iti alegasyon kontra kenkuana.
Impetteng daytoy a saan a dimmar-ay iti anyaman a panagtataripnong a kaduana da sigud a Speaker Martin Romualdez, sigud a Rep. Zaldy Co, ken Rep. Leila de Lima.
Innayon daytoy nga awan metlaeng ti naawatna a paper bag wenno package manipud kadagiti nadakamat a personalidad.
Mainaig iti dayta, binnalaagan ni Año ti publiko kontra iti pannagiwaras iti palso a damag.
Kabayatanna, inlawlawag ti Philippine Navy nga uppat kadagiti 18 nga indibidual a nagpaam-ammo kas sigud a Marines ket saan a pulos a nagbalin a miembro ti Navy wenno Philippine Marine Corps.
