Maipatungpal ti Nationwide Simultaneous Active Shooter Drill iti Probinsya ti Benguet inton Sitiembre 3 iti agdama a tawen.
Sigun kenni PltCol Marvie Amilao, Force Commander ti 2nd Benguet Provincial Mobile Force Company, nakasaganan ti pwersa ti kapulisan iti Probinsya ti Benguet nga agresponde ken mangsalaknib iti probinsya nangruna kadagit pagadalan.
Impeksa ti opisyal a maysa kadagiti agtultuloy nga ar-aramiden dagitoy ket ti pannangipatungpal iti letures kadagiti pagadalan kas iti Munisipyo ti Itogon seknan iti agdama a pakaseknan a sangsangwen ti pagadalan nangruna kadagiti naglabas nga issue seknan iti shooting incident.
Sumaruno pay nga ipatungpal dagitoy ti safety drill .
Inlawlawag ni PltCol Amilao a ti nasao nga aktibidad ket paset ti panangiyalikaka iti seguridad kadagiti pagadalan ken dadduma pay kasta metlaeng iti panangipakita nu anya dagiti role iti tunggal maysa. Nupay kasta, impaganetget daytoy a ti kangrunaan iti amin ti parenting system.
Kabayatanna, immuna metten a naipatungpal ti seminar para iti pwersa ti 2nd Benguet PMFC seknan iti daytoy no sadino nakapokus ti nasao a seminar nu kasano a prebentaran dagiti saan a nasayaat a sitwasyon.
Indauluwan met ti kameng ti United States Naval Criminal Investigative Service ti nasao a seminar.
Kabayatanna, agtultuloy met ti panangipaay ti kapulisan kadagiti pagadalan iti presensyada babaen iti panangbisita dagitoy.