Isaksakad ti Department of Health (DOH) ti pannakaipatungpal ti nationwide total ban ti vape iti pagilian.
Sigun kenni Health Secretary Teodoro Herbosa, masansan a maibaga nga awan ti nikotina ti vape ken mabalin nga alternatibo iti sigarilio.
Nupay kasta, napeggad ti asuk, ken aparato ti vape, kasta met a napnoan daytoy iti kemikal.
Kabayatanna, binabalaw pay ti DOH dagiti namaris a pakete ken nadumaduma a flavors dagiti vape products a mangallukoy kadagiti agtutubo.
Maipalagip nga idi laeng napan a tawen, nairekord ti kaunaan a kaso ti ipimmusay ti maysa nga indibidual gapu iti dua a tawen a panagamatna iti vape.
Gapu iti dayta, impeksa ti DOH a makapapatay ti panagamat iti vape gaputa mangitunda daytoy ti sakit ti puso, Cancer, ken sakit ti bara.