Naun-uneg nga imbestigasyon iti maatap a panagkettel iti biag ti maysa a pulis sadiay Apayao, nakiddaw

BAGUIO CITY – Nakiddaw ti panakaisayangkat ti naun-uneg nga imbistigasyon iti maatap a panagkettel iti bukodna a biag ti maysa a pulis sadiay Turayok, Buluan, Conner, Apayao.

Nabigbig daytoy a ni Patrolman Jellester Coyob Subelan, 33-anyos, tubo ti Bakun, Benguet ken nakadestino iti Apayao Provincial Mobile Force Company.

Maibasar iti report, napasamak ti panagkettelna ti biag kabayatan ti pannangan dagitoy.

Naituding a maipasidong ti pulis iti paraffin test ken ti kaduana a pulis idi napasamak ti insidente.

Naamuan a timmama ti bala ti paltog iti likod a paset ti ulo ni Pat. Subelan.

Maiyawid ti bangkay daytoy iti balay ti kabsatna sadiay Sinipsip, Bakun, Benguet iti kanito a malpas ti paraffin test.