--Ads--
Inaprobaranen iti NBA Board of Governors ti panagadal para iti posible nga expansion teams idiay Seattle ken Las Vegas.
Nu maituloy, agbalin a 32 a bunggoy ti liga, ngem kasapulan pay daytoy iti pinal a botos iti 23 iti 30 team owners.
Manamnama a dumanon iti $7 bilyon agingga $10 bilyon ti gatad iti tunggal bunggoy.
Puntiriada a mairaman dagitoy iti 2028–29 season.
Naudi a nag-expand ti NBA idi tawen 2004.
Nu agpada a maala ti bunggoy ti Seattle ken Las Vegas, posible a maiyakar iti Eastern Conference ti sumagmamano a Western teams a kas iti Memphis Grizzlies weno Minnesota Timberwolves.
Sigud nga addaan iti bunggoy ti Seattle—ti Seattle SuperSonics—a naiyakar iti Oklahoma City idi 2008.
