BAGUIO CITY- Agtultuloy ti panagmonitor ti National Bureau of Investigation Cordillera (NBI-CAR) iti area of responsibility dagitoy wenno iti rehiyon Cordillera no sadino mapapati a naimatangan ni sigud a Director-General of the Bureau of Corrections Gerald Bantag idiay Mines View Park, Baguio City.
Sigun iti maysa a National Bureau of Investigation (NBI) Intel, naimatangan ni Bantag itay laeng nabiit ditoy syudad ti Baguio partikular iti headquarter ti IWI Partylist idiay Mines View Park no sadino addaan daytoy ti atidog a bo-ok ken barbas.
Dagus met a nagturong ti National Bureau of Investigation Cordillera babaen ti panangidaulo ni Assistant Regional Director Atty. Daniel Daganzo iti headquarters ti IWI Partylist tapno mangipaay ti warrant of arrest para iti panakatiliw daytoy.
Nupay kasta, awan ti nadanunan dagiti otoridad kenni Bantag iti nasao a headquarter.
