Impaganetget ni National Bureau of Investigation Director Melvin Matibag a saan a biased wenno one-sided kas testigo iti manariman nga impeachment trial ni Vice President Sara Duterte.
Impettengna nga ibagbagana laeng ti kinapudno kabayatan ti testimonya daytoy.
Iti baet dagiti kritisismo iti maipagarup a bias ti kampo ti prosecution, kinuna ni Direc. Matibag a nagtestigo laeng daytoy kas hepe ti NBI nga addaan iti mandato maipapan kadagiti pakaseknan iti seguridad.
“Hindi po, you have to tell the truth. We seek justice. Wala po tayong hinahanap dito. We are guided by justice, by evidence, the rule of law, procedure. At the end of the day, from the law enforcement, we want order,” sigun kenni Direc. Matibag
Maipalagip a kinuna ni Sen. Robin Padilla kenni lead house prosecutor Gerville Luistro a one-sided ti prosecution.
Kamaudiananna, inlawlawag ti senador nga agkidkiddaw laeng iti patas nga impeachment trial.
Kabayatanna, inyunay-unay ni Matibag a daytoy ti chief custodian dagiti rekord ti NBI ken saan nga agaplikar ti hearsay rule iti daytoy.
“I am a witness telling what I know as an NBI director and based on the procedure, established procedure meron pong proseso na ginagamit ng Secret Service to determine na national threat, doon po natin in-apply iyan,” innayon ni Matibag
Impeksa ti hepe nga iti udi ti aldaw, adda iti impeachment court a mangikeddeng no kasano ti kadagsen ti testimonia-na kontra kenni Vice President Sara Duterte.
