Kinumpirmar ni National Bureau of Investigastion Director Atty. Melvin Matibag a naitudingen nga ipatulod da ita nga aldaw dagiti subpoena kada Batangas 1st District Rep. Leandro Leviste ken sigud a Negros Oriental Representtaive Jing Paras.
Sigun iti nasao nga NBI director, nakasarita ti regional director ti kapulisan ken imbinglayna a naituding a maiserbi dagiti subpoena ita nga aldaw kalpasan a mapirmaan daytoy idi Biyernes.
Gapu iti daytoy, manamnama a sumango iti opisina na da Representative Leviste kenni Paras inton umay a Huwebes.
Maipalagip a dagiti nadakamat nga indibidual ket maak-akusaran iti maatap a ‘character assasination’ wenno honey trap iti sumagmamano nga opisyal iti gobyerno.
Sigun kenni Atty. Melvin Matibag, nupay adda dagiti opisyal a target aramat ti nasao a modus operandi, ti sigurao ita ket ti plano kontra kenni Executive Secretary Ralph Recto.
Imbinglay ni Atty. Matibag a mannarimaan meten a makikokoordinar kadakuada ti opisina ni Executive Secretary Ralph Recto seknan iti nasao nga isyu.
Nagramut ti nasao nga alegasyon kontra iti dua nga opisyal iti balligi nga entrapment operation nga insayangkat ti NBI-NCRiti maysa a five-star hotel no sadino narescue ti sumagmamano a babbai ken nangitunda iti pannakaarestar ti talent manager.
Intudo met ti naarestar da Representative Leviste ken Paras kas indibidual nga ada iti likod ti operasyon no sadino kinunana a plano dagitoy nga aramaten ti ‘bugaw’ tapno dadaelen ti reputasyon ni Secretary Recto. //bombokaren.c.sapirao