Nakasagana ni National Bureau of Investigation (NBI) Director Melvin Matibag nga agtestigo iti impeachment trial kontra kenni Vice President Sara Duterte.
Sigun kenni Matibag, nakasagana iti anyaman nga oras agsipudta awan ti baro nga ibagana no diket dagiti laeng adda iti dokumento ken ebidensiya.
Innayona pay a saan a kasapulan a maipaayan iti subpoena gaputa boluntaryo nga agturong iti trial.
Maipalagip nga immuna a kinuna ni Matibag a no mabalin ket masapsapa a mangipaay iti testimonya tapo makadar-ay iti international anti-scam summit sadiay Bangkok, Thailand.
Impetteng ti opisial a napateg ti idadar-ayna iti summit, nangruna ti pannakaikkat ti Pilipinas iti money laundering grey list.
Malaksid iti dayta, manamnama metlaeng a makipagkita daytoy ken ni Federal Bureau of Investigation (FBI) Director Cash Patel.
Ilawlawag ti hepe ti NBI a saanna nga idikdiktar ti eskediulna a dumar-ay iti impeachment court.
