Nakasaganan ti National Capital Region Police Office (NCRPO) para iti 49th ASEAN Summit and Related Summits a maisayangkat sadiay Metro Manila intun Nobiembre 16 agingga 18 iti agdama a tawen.
Sigun kenni NCRPO spokesperson Police Lieutenant Colonel Hazel Asilo, nakasagana ti security arrangements ken manarimaan a maipatpatungpal dagiti kasapulan a security measures para iti kinatalged dagiti delegado ken dagiti Pilipino.
Maibasar iti datos, dumanon iti 20,000 a police personnel ti naiwaras, malaksid kadagiti nagtaud iti Regions 3, 1, ken 4A.
Kabayatanna, makikoordinar ti Police Security and Protection Group (PSPG) ti Philippine National Police (PNP) iti National Capital Region Police Office para iti siguridad dagiti state leaders a makipaset.
Sigun pay kenni Asilo, kinukimat ti K9 ken PNP Explosive and Ordinance Disposal (EOD) units dagiti International Media Center ken dadduma pay a pasdek para iti siguridad dagiti amin a dumar-ay iti nasao nga ASEAN Summit.//
