--Ads--
BAGUIO CITY – Nakemmmeg ti maysa a negosyante kalpasan a naaktuwan ti panangdukotna iti cellphone ti kaabayna a lalaki iti uneg ti maysa a jeep a paturong iti Central Business District ditoy siudad ti Baguio.
Nabigbig ti suspek a ni Racquel De Castro Obana, 45-anyos ken tubo ti San Fernando, La Union.
Maibasar iti report ti pulisya, nadlaw ti maysa a maseknan a pasahero ti panangdukot nga ar-aramiden ni Obana iti kaabay daytoy a lalaki.
Dagus a nagpaarayat daytoy a nangitunda iti panakakemmeg ti suspek.
Sumangsangon daytoy iti kaso a panagtakaw.
