Usigen ti Senate impeachment court dagiti negosyo, kontrata iti gobierno, ken dagiti nairehistro a paltog ni Vice President Sara Duterte, maibasar kadagiti saksi ken ebidensiya nga idatag ti House prosecution panel.
Sigun kenni private prosecutor Benjamin “Jay” Tolosa Jr., nakasagana dagitoy a mangidatag kadagiti saksi inton Setiembre 23, depende iti progreso ti proceedings ken dagiti oral arguments mainaig iti 2/3 a botos ti Senado.
Sigun kenni Tolosa, mangidatagda iti saksi manipud iti Civil Service Commission kabayatan ti proceedings a mangilawlawag kadagiti pagannurotan iti panangipila iti Statement of Assets, Liabilities and Net Worth (SALN).
Kabayatanna, mausig metlaeng dagiti kompanya a nailista iti naideklara a financial interes da VP Duterte ken ti asawana a ni Atty. Manases Carpio.
Malaksid iti dayta, ibinglay ti testigo manipud iti Philippine Government Electronic Procurement System (PhilGEPS) ken ti pannakabagi ti PhilHealth Regional Office XI Bids and Awards Committee dagiti kontrata ti gobierno nga inaramid dagiti kompanya ni Duterte.
Mainaig iti dayta, mangipaay ti pannakabagi manipud iti PNP Firearms and Explosives Office iti impormasyon mainaig kadagiti paltog a nairehistro kada Duterte ken Carpio.
