Ngimmato iti agarup 1,120.78% ti net worth ni Vice President Sara Duterte kabayatan ti 17 a tawenna kas Politiko.
Maibasar iti 2024 Statement of Assets, Liabilities, and Net Worth daytoy, dumanon iti P88.5 million idi 2024 manipud iti agarup P7.2 million idi 2007.
Naduktalan a ngimmato ti 1,120.78% kabayatan ti kina-politiko daytoy.
Maipalagip nga indeklara ni Vice President Duterte nga addaan daytoy ti agarup P88.512 Million a net worth iti kaudian a Statement of Assets, Liabilities, and Net Worth daytoy manipud December 2024.
Immuna metten a kinunana a dumanon iti agarup P66.808 Million idi napalabas a tawen.
Ngatngato daytoy no ti agarup P7.250 Million a net worth na idi nagserbi daytoy kas Mayor ti Davao idi 2007.
Indeklara pay ti bise presidente idi 2010 nga addaan daytoy ti net worth a dumanon ti agarup P16.242 Million, pakairamanan ti agarup P10.8 Million a real estate properties; agarup P10.7 Million a personal properties ken agarup P5.3 Million a liabilities.
Daytoy ket kalpasan a nabotosan kas Mayor ti Davao idi 2010.
Kabayatanna, dimmakkel ti agarup P71,058,841 idi nagbalin daytoy a bise presidente idi 2022 agingga a dimmanon iti P88.5 million, maysa a tawen ti napalabas.
