Saan a naapektaran ni Israeli Prime Minister Benjamin Netanyahu iti panagbitlana iti United Nations General Assembly(UNGA) kalpasan a nagtalaw wenno nagwalk out dagiti delegado kas panangipakita iti panagprotesta dagitoy.
Iti panagbitla ni Netanyahu,binabalawna dagiti pagilian a mangbigbigbig iti Palestinian State.
Inladawanna a ti nasao a tignay ket nakababain.
Impettengna a saanna pay a nalipatan ti inaramid dagiti militante a grupo nga Hamas iti panagatake dagitoy idi October 7, 2023.
Sigun kenni Netanyahu, agingga iti agdama ket adda pay ti 48 a kinawtibo dagiti Hamas nu sadino, 20 kadagitoy ti nakumpirmar a sibibiag pay.
Kagiddan dayta,pinagyamanan ti Israeli Prime Minister ni United States President Donald Trump iti addang nga impatungpal daytoy partikular ti strike wenno panagatakeda iti nuclear site iti Iran.
