Agbalbalin a damag kadagiti netizens anya ti pudno a napasamak kenni Rachel Gupta, no daytoy ket nagresign wenno na-dethrone kas Miss Grand International 2024.
Daytoy ket kalpasan a saan nga agtunos ti statement nga inruar ti beauty queen ken ti Miss Grand International Organization.
Maibasar iti statement nga inruar ti beauty queen iti social media accountna, impakaammona nga aglusolus daytoy iti pwesto gapu kadagiti mistreatment ken toxic environment.
Innayon ni Gupta a nabayag nga arapaapna ti makoronaan kas beauty queen ken balligi a nagun-odna babaen iti panangirepresentarna iti pagilian daytoy nga India.
Nupay kasta, kalpasan iti manu a minutos iti panangipablaak ni Gupta iti statementna ket nangiruar met ti Miss Grand International Organization iti statement.
Sigun iti nasao nga organisasyon, binawida ti korona ken titulo ti Indian beauty queen gapu iti saanna a panangaramid iti responsibildadna ken panaglabsingna iti regulasyon dagitoy.
Iti agdama, saan pay a naipakaammo no siasino ti sumublat kenni Gpta kas Miss Grand International 2024.
Maipalagip a ti pambato ti Pilipinas a ni CJ Opiaza ti first runner-up iti naangay a Miss Grand International 2024 sadiay Bangkok, Thailand idi Oktubre 2024.
