Nagviral ti dua a nagan a nag-enrol iti national science high school idiay Negros Occidental nu sadinno adu kadagiti “online users” ti nangipeksa ti panaglinglingayda maipapan iti nagan dagitoy.
Iti social media post ti Negros Occidental National High School, maimatangan ti listaan dagiti “qualified applicants” para iti School Year 2024-2025.
Dua a nagan ti naidumduma manipod iti listaan.
Pinasangbay ti nasao a pagadalan ti baro a batch iti grade 7 ken kinablaawanda dagitoy.
“We are thrilled to welcome our newest batch of talented and dedicated NonScians for the S.Y. 2024-2025! Congratulations to all the qualified applicants for enrollment. Your journey starts here! Enrollment schedules will be announced soon! See you in SciHi!” iti mabasa.
Iti maikadua a ladawan, naala ti atension dagiti Pilipino nangruna dagiti aplikante a numero 60 ken 75 nga addaan ti nagan a Kemyruth Jimenez ken Nicki Minaj Montes.
Gapu iti nakitada a nagan, adu dagiti nagkomento ket adtoy dagiti sumagmamano kadagitoy:
“Congrats po, Kemyruth Jimenez and Nicki Minaj Montes, HAHAHHAHA, bonggels ng names n’yo, mga bhie!!!!!”
“Congrats [sa’yo], Nicki Minaj,”
“Congrats, Kemyruth Keme,” nga adda kadwana nga smiling face emoji.
“[Number] 60 [and number] 75,”
Maipalagip a Nicki Minaj ket maysa kadagiti rappers ken singers idiay Estados Unidos ken nalatak gapu iti kantana a “Super Bass,” “Starships,” ken “Anaconda.”
Ti pudno a nagan daytoy ket Onika Tanya Maraj-Petty.
Kabayatanna, ti nagan a Kemyruth ket sao a “kemerut,” “slang’ a termino dagiti Pilipino para iti “keme”, alternatibo nga spelling iti kyeme.
Kayat a sawen ti “keme” ket “awan” wenno nothing iti English ken maibilang kas maysa nga adverb.
Ti termino ket us-usaren dagiti agtutubo iti maudi a panagsao dagitoy.
