--Ads--
![](https://img.bomboradyo.com/baguio/2019/05/nsed-final.jpg)
BAGUIO CITY – Panggep ti lokal nga konseho ti Baguio nga isayangkat ti maysa a night earthquake drill ita a tawen.
Sigun kenni Louie Glenn Lardizabal, Local Disaster Risk Reduction Management Officer II ti Baguio, maangay ti earthquake drill iti rabii tapnu makita ti kasagana ti siudad ken dagiti umili no adda man ti gingined bayat ti pannaturog dagitoy.
Kinunana a ditoy maamuan no anya ti aramiden dagiti umili no awan ti silaw wenno kuryente ken linya ti komunikasyon kabayatan ti nasao a kalamidad wenno insidente.
Imbingayna ti nasao nga plano iti naangay a press conference iti Baguio City Hall. (report by Danielle Garin, volunteer, Bombo Radyo-Baguio)