SANTA MARCELA, APAYAO – Natiliwen ti maysa kadagiti tallo a suspek iti robbery with homicide a napasamak sadiay Brgy. San Antonio, Santa Marcela, Apayao ita laeng nga aldaw, Mayo 7.
Nabigbig ti suspek a ni Cris Flores Guillermo, residente ti Barangay San Juan, Santa Marcela, Apayao.
Iti exclusive interview ti Bombo Radyo kenni PCapt. Jowie Martinez, Officer-in-Charge ti Santa Marcela MPS, mabigbigbig daytoy kas no. 6 top most wanted person iti regional level para iti maika-dua a kwarter iti agdama a tawen.
Kadwa ni Cris ni Keven Flores ken ni Kris Flores a nagaramid iti nasao a krimen nu sadino immunan a natiliw ni Keven idi Marso bayat a natiliw ni Kris idi Abril.
Awan ti naipaay a piyansa kenni Cris para iti temporaryo a panakawaya-wayana.
Imet ita ti Santa Marcela MPS para iti umno a dokumentasyon sakbay a maipaima iti maseknan a korte.
Dagiti tallo a suspek ket manipud iti Agta Tribe.
Napapatay ti 63-anyos a biktima, vendor, ken residente ti Purok 7, Brgy. San Antonio, Santa Marcela, Apayao idi Enero 27.//Bombo Marinel Rodrigo
