Nangrugi a mangikarga dagiti opisyales ti munisipalidad ti La Trinidad ti signage wenno tarpaulin a “No Parking” kadagiti ig-iged ti kalsada tapno agpalagipda kadagiti publiko maipapan iti panakaiparit ti saan a panagparada kadagiti nasao a lugar.
Daytoy ket kas maibasar iti Barangay Ordinance No. 3 series of 2018.
Iti nasao nga ordinansa, dagiti indibidual nga aglabsing iti daytoy iti umuna a gundaway ket maikkan ti pannusa a P500, P700 iti maikadua a panaglabsing, P800 iti maikatlo a gundaway ken P1-K kadagiti sumarsaruno a panaglabsing.
Kabayatanna, iti panangikarga dagiti opisyales iti nasao a signage ket nagpalagipda kadagiti naaktoan a nakaparada a lugan wenno motorista nga agbirok dagitoy iti lugar a naituding a pagparadaanda.
Panggep ti nasao nga ordinansa a mintinirin ti saan a panagbalin a parking lot dagiti kalsada nangruna ket para iti “public use” daytoy.//M
