Inyuswat dagiti sumagmamano a grupo ken nagduduma a sektor ti “Network Opposed to Pax Silica” wenno “NO to Pax Silica” idi kalman.
Pinasetan daytoy dagiti organisasyon manipud iti civil society, religious sector, scientists, mannalun, estudiante, environmental advocates, ken dadduma pay.
Panggep dagitoy a tubngaren ti mapampanggep a pannakaibangon ti 1,600-hectare industrial manufacturing hub sadiay New Clark City, Tarlac.
Sigun iti the US Department of State, ti Pax Silica ket mangpatibker iti ekonomiya, national cooperation ti pagilian ken dadduma pay.
Nupay kasta, pagdandanagan dagiti maseknan a residente ti posible nga epekto daytoy iti pagbiyaganda ken iti komunidad.
Sigun kenni Apung Petronila Capiz-Muñoz, chieftain ti Aeta group iti Sitio Sapang Kawayan, kontra iti Pax Silica agsipudta makadadael iti komunidad, nangruna ket mairaman ti ancestral domain dagitoy.
Impeksana nga awan ti naisayangkat a konsultasyon ken nabilin dagitoy nga umikkatda iti ngudo ti agdama a tawen.
Sigun met iti Bagong Alyansang Makabayan, tubtungarenda ti nasao nga addang agsipudta maatap a mangipaay laeng daytoy iti pagimbagan ti Amerika ken saan nga iti Pilipinas.
Maipalagip nga immuna a kinuna ti Bases Conversion and Development Authority a mangipaay ti Pax Silica iti benepisyo ti ekonomiya ti pagilian, trabaho bayat nga agtaltalinaed a prayoridad ti panangsalaknib iti aglawlaw.
Innayon pay ti BCDA nga awan ti mapasamak a displacement.
Manamnama ti pannakapirma ti framework agreement iti Pax Silica inton Nobiembre 2026.