--Ads--
BAGUIO CITY – Sinuspindir ti Baguio City ti non-essential travels wenno saan a napateg a biahe manipud iti amin a lugar iti pagilian, aniaman ti quarantine classification dagitoy.
Maibasar iti pammilin ni Mayor Benjamin Magalong, epektibo ti nasao a travel ban mangrugi inton inton bigat, September 3 agingga inton September 19 ti agdama a tawen.
Nupay kasta, maipalubos latta ti panagserrek iti siudad dagiti APORs la ketdi agtungpalda kadagiti requirements nga impaulog ti lokal a gobyerno ti Baguio.
Paset daytoy ti control measures wenno addang ti lokal a gobyerno ti Baguio tapnu maaksionan ti agdama a panagngato ti kaso ti COVID-19 iti siudad.
