Makidkiddaw ti pannakaisardeng ti agtultuloy a non-legal adoption a practice/culture iti rehiyon Cordillera.
Sigun kenni Janet P. Armas, Assistant Secretary ti Standards and Capacity Building Group | DSWD Central Office, ti rehion Cordillera ket nagbalinen nga ramid ti panang-adaptar kadagiti ubbing iti saan a ligal a wagas.
Nakuna ni Armas a kaaduan a mang ad-adaptar kadagiti ubbing ket mismo a dagiti kabagyan daytoy isunga saandan nga ipadalan iti ligal a wagas.
Nupay kasta, naipeksana a ti nasao nga aramid wenno kultura iti rehiyon ket posible a makadangran iti well-being ti maysa nga ubing.
Inbinglay daytoy ti maysa a kapadasan dagiti dadduma nu sadino, gapu iti tawid ket na kuwestiyonar ti legality ti pannakaipaay wenno pannakaipasa ti tawid ti nasao nga ubing wenno indibidual.
Gapu iti dayta, guyguyuguyenna dagiti amin a residente nangnangruna dagiti community leaders, elders, cultural leaders iti nasao a rehiyon nga itandudoda ti panagadaptar kadagiti ubbing iti ligal a wagas.
Innayonna pay a rumbeng nga akseptaren dagiti umili a saan nga amin a practices ken kultura iti rehiyon ket mangipapaay iti pagsayaatan dagiti ubbing.
Mangnamnama ti assistant secretary nga inton agangay ket agbalin a role model ti Cordillera para iti child protection nu sadino ti kultura ken progreso ket agpada a mangitantandudo iti pagsayaatan dagiti amin nga ubbing.//Bombo Genzel Depayso
