Nagballa-ag ti kabsat ni North Korean leader Kim Jong Un a mabalin a mangitunda iti “negative consequences” ti ipatungpal a joint military exercises iti Estados Unidos, South Korea, ken Japan.
Sigun kenni Kim Yo Jong, ti panangipakita dagiti nasao a pagilian iti presensya iti aglawlaw iti North Korea ket makaipaay iti saan a nasayaat nga epekto kadagitoy.
Naituding ita nga aldaw a marugyan ti Freedom Edge wenno ti tinawen a military drills nga ipatpatungpal ti Estados Unidos, South Korea, ken Japan nga addaan iti panggep a mangpapigsa iti air, naval, ken cyber defense capabilities dagitoy.
Malaksid iti nasao a military drill, ipatungpal metlaeng ti US ken South Korea ti Iron Mace tabletop exercises inton sumaruno a lawas nu sadino, talantanenda ti panangiraman iti conventional ken nuclear capabilities dagitoy kontra iti pangta iti North Korea.
Maipalagip a nabayagen a konkondenaren iti Pyongyang ti nasao tignay iti Seoul nu sadino, ipagpagaropna a maysa daytoy a panagsanay para iti gubat.
Nupay kasta, nalpas metten nga inlawlawag ti Seoul ken Washington a maysa laeng daytoy a drill para iti defense capabilities.
